New Toy

被蛇催交功課, 好大壓力呢
其實我今日再做姑媽 (恭喜我吧 ), 遊走公司-娘家-公司-醫院... 好忙呀, 所以呢份功課比較 hea, 包涵包涵

主菜係 show off hubby's new toy 嘅效果, 配菜係飛機運到超靚大頭極秀級日本白玉桃, 訂自相熟果菜檔...
效果如何? 係咪垂涎欲滴呢?

自家一蘭拉麫

呢幾個星期工作上都好忙, 早前喺 City Super 日本節買嘅一蘭拉麫到今日先有時間整
本來都打算喺食品節完結前試過如果好味嘅再入貨, 但一來真係冇時間, 二來拉麫好早已斷貨, 就算欲買都無從啦... 惟有下次請早
一蘭對香港人有一定嘅吸引力喎!!

好似煮即食麫咁易

吃吃吃

iphone 影影埋埋啲食物相, 就襯假期清清個 album, 一次過 regurgitate 曬出嚟先
呢篇有香港日本人俱樂部, Bo Innovation, Sevva, 桃花源...


Omakase @ 香港日本人俱樂部嚟呢度係為捧 Chef Mitani 場, 佢係以前九龍稻菊嘅日本師傅...
話曬係 club outlet vs 酒店 outlet, 呢度嘅選擇及質素難以同酒店比較, 但價格相對便宜, overall 絕對可以止咳呵!

Lunch

又係過份!

相信大家細個嗰時一定聽過呢個故事...
有位太太要遠行, 明知丈夫懶煮食, 就做定一個中間有個大窿嘅餅掛喺丈夫頸上, 以為問題解決了... 結局如何? 大家都知啦

點解要提呢個故事? 因為想話比大家知 hubby 正正就係呢類人
但凡事冇絕對... 佢又親自出馬啦!!!
爆膽奄列, 今次賣相同廚藝都明顯進步喎

頭髮亂了 >>> 已解決 :P

Update
在下不愧係 plant killer, 非常狀況惟有用非常手段, 斬草除根
換上 basil 有朝氣得多呢

過份

Weekend 又係 hubby 打球日, 回程之前佢喺西貢碼頭流連, whatsapp 咗啲 snaps 比我...

北海丼

好耐冇 update, 今日做咗個北海丼, 好想 update

多得 hubby 有個賢慧妻子, 將毛蟹解剖分類為蟹腳肉、蟹身肉同蟹羔; 另加帶子, 牡丹蝦同蝦子排好放喺醋飯面, 自家北海丼大功告成
毛蟹質素極好, 肉甜羔甘, 連以前九龍稻菊師傅幫我哋預訂嗰啲都給比下去
惟牡丹蝦係蒸嘅, 如果係刺身就完美啦!