暫別 滿福樓

時間過得真快, 呢句好老土, but it's so true

自己數數都嚇一嚇

原來唔經唔覺已幫襯咗滿福樓差不多廿年 ><"

有段時間喺度開餐重密過返屋企開飯, 名符其實係我家飯堂

重記得當年第一次踏足, 印象最最最深刻嘅

係佢足有兩三層樓高嘅樓底, 氣派不凡

另外就係佢整套餐具, 以敦煌作主題, 沿用至今

Bone China custom-made by Narumi !!!

由 4/28 起, 飯堂要暫時關門裝修半年之久呢!

臨別之際, 酒樓推出集合多年來受歡迎嘅菜式作套餐

熟客們作最後衝刺 :D

义燒係呢度嘅名物, 好多飲食雜誌都有介紹過

以前食到 overdose 搞到好耐冇點

鹵水豬腳仔 (餐牌上沒有的) 乃係我家飛佛, 小 yam 尤其喜愛

我哋就點呢兩度作前菜

小 yam 唔吼套餐, 投 "小 yam 飯" 懷抱

其實係另一個不在 menu 之列以小 yam 命名嘅瑤柱排骨煲仔飯 :D

滋味!

我同 hubby 點

華麗滿福至尊套餐

個名浮誇咗啲喎 XDDD

紅燒脆皮乳鴿

黑松菌醬雜菌爆鮮鮑片桂花蚌

潮式龍蝦絲苗湯

是日至美味, 充滿龍蝦甜味, 想多來幾碗 :D

至尊焗釀蟹蓋

 翡翠生煎老虎斑件

蝦籽蠔皇撈粗麵

+ 足料 XO 醬

香蜜蛋散、炸麻圓、迷你楊枝甘露

依依不捨, 好好珍惜呢一餐

員工邀請拍照留念, 半年後再見!

預告

我厚住面皮做咗件事, 下一篇開估 XDDD